【養育子女】網民問「窮養大定富養大」惹熱烈討論　感恩無私付出：我哋想要乜父母都盡量畀我哋

孩子窮養抑或富養好，一直是家長們熱切討論的話題。在香港，不時有網民提出「窮人不要生仔」的言論，認為若父母沒有好的經濟能力，就不應生兒育女。近日網上討論區有媽媽便向網友提問：「你哋係窮養大定富養大？」，引起不少熱烈回應。

Photo from MamiDaily

網民在網上討論區親子講場上提問各網友小時候時被窮養大抑或富養大，並先自我介紹指自己是「窮養」：「我係窮養大，七十後草根家庭，一年都冇出街食一次飯，旅行係完全冇，我十九歲先第一次去海洋公園，二十歲第一次坐飛機。」雖然樓主自稱為「窮養大」的孩子，但認為小時候一家人住在小房子很無憂無慮：「因為冇比較，個個同學都窮，但生活簡單幸福。」反稱現在自己雖大學畢業，並成為中產，卻更多煩惱：「驚份工、驚層樓供唔起、想移民、驚遲幾年有 cancer等等。」

其他網民熱烈回應，其中不少人指自己雖「窮養大」，但回想兒時都是充滿開心的回憶，更非常感謝父母的付出，「細個啲書，校服都係幾姐弟輪流用，不過我地父母都好錫我們，在他們能力下都會盡量去滿足我們零食，玩具的要求，同埋我最記得我老豆講過一句：賣血都要比你地去補習！」

Photo from MamiDaily

亦有網民指自己被窮養，但為人父母後，更想為子女付出，希望下一代得到更多資源：「窮到無街去、無興趣班、除左返學咩都唔識。好同意你講，果陣可能無咁多比較生活仲簡單有目標、而家負擔仲大壓力仲大。可能自己咩都冇、好想俾多d下一代。」

雖然大部份網民以父母的經濟能力定義「窮養」和「富養」，不過有網民指出，其實並非以此作界定：「我諗大家誤解左窮養富養喎⋯⋯唔係講屋企窮定富出身，係屋企有錢無錢都嚴格同響控制範圍底下都唔俾咁多物質為之窮養；富養係乜都俾最好既俾佢，所以就算屋企窮但有需要時父母響能力範圍盡量俾最好既小朋友都係富養。」

Photo from MamiDaily

以此定義，相信絕大多數富父母都是「富養」子女，無論自己能力如何，都同樣盡其所能為孩子付出，讓他們在安全、溫暖的環境中成長。

延伸閱讀：
【感人母愛】小時家境清貧把學習機會都讓給弟妹成心結　原來媽媽一直未有忘記更感愧疚

延伸閱讀：
【教養貼士】不想子女只懂向爸媽伸手拿錢？3個小貼士培養孩子正確金錢觀念

Text: Mami Editorial
Source: 親子講場